Only-Quran-Hadith Quiz 223

 Only-Quran-Hadith Quiz 223

Sawal: Wo kaunsi Sahabiya thi jo Rasol-Allah salalahu alaihi wasallam ka paseena mubarak barkat ke liye istemal kiya karti thi ?

A. Umm Hani Radi Allahu anha

B. Umm Atiyah Radi Allahu anha

C. Umm Sulaim Radi Allahu anha

D. Umm Habiba Radi Allahu anha

E. Inmein se koi nahi

F. Sahi jawab ka intezar hai

------------

Quiz: What is the name of that  woman companion who used to collect the sweat of Prophet salalahu alaihi wasallam for the blessing ?

A. Umm Hani Radi Allahu anha

B. Umm Atiyah Radi Allahu anha

C. Umm Sulaim Radi Allahu anha

D. Umm Habiba Radi Allahu anha

E. None of the above

F. I want to know

Sahi Jawab  C. Umm Sulaim Radi Allahu anha

( Anas radi allahu anha ki walida)

-----------------

✦ Mafhum-e-Hadith : Rasool-Allah Sallallahu Alaihi wasallam ka paseena mubarak

✦ Anas Radi Allahu Anhu ne farmaya (Unki walida) Um Sulaim Radi Allahu Anha Nabee Sallallahu Alaihi Wasallam  ke liye chamdey ka farsh bicha deti thi aur Aap Sallallahu Alaihi Wasallam isi par Qailulla kartey ( yani din ke waqt thoda sa sote ) they phir jab Aap Sallallahu Alaihi Wasallam so gaye to Umm sulaim Radi Allahu Anha ne Aapka paseena aur baal le liye aur is ko (paseene ko) ek sheeshi mein jama kar diya aur phir Suk ko ( ek tarah ki khushbu ko) usme mila diya phir jab Anas bin malik Radi Allahu Anhu ki wafat ka waqt kareeb aaya to unhone waseeyat ki, ke is suk ( jismein Rasool-Allah Sallallhu Alaihi Wasallam ka paseena mila hua tha) ko unke hanut ( ek tarah ki khhushbu jo Mayyat par lagate hain) mein mila diya jaye

Sahih Bukhari, Vol 7, 6281

✦ Anas bin malik Radi Allahu Anhu  se rivayat hai ki Rasool-Allah Sallallahu Alaihi wasallam (unki walida) umm sulaim Radi Allahu Anha ke ghar jaate aur unke bichone par sote they jab wo waha nahi hoti, ek din aap Sallallahu Alaihi wasallam  tashrif laye aur unke bichone par so rahe wo aayee to logo ne ki Rasool-Allah Sallallahu Alaihi wasallam tumhare ghar mein bichone par so rahe hain ye sun kar wo aayee aur dekh ki aapko paseena aaya hua hai aur Aap Sallallahu Alaihi wasallam  ka paseena chamdey ke bichone par jama ho gaya hai, umm suaim Radi Allahu Anha ne  apna dibba khola aur paseene ko puch kar seeshiyon mein bharne lagi Rasool-Allah Sallallahu Alaihi wasallam ekdam se uth gaye aur farmaya ye kya kar rahe ho ?, umm sulaim Radi Allahu Anha ne kaha ki Rasool-Allah Sallallahu Alaihi wasallam humne ye (aapka paseena ) apne bachcho ke barkat ke liye liya hai Aap Sallallahu Alaihi wasallam  ne farmaya tumne thik kiya

Sahih Muslim,  Jild 5, 6056